“Ky ligj u bë për të futur nën thundër SPAK-un”, Çlirim Gjata nxjerr prapaskenat

Juristi Çlirim Gjata ka komentuar aktin normativ që ka kaluar sot në Kuvend, lidhur me aksionin Forca e Ligjit, që synon sipas qeverisë goditjen e pasurisë së elementëve të krimit. Ai e quan antikushtetues.

Ai tha:

“Është antikushtetues për shkak se u bë me një akt normativ që nuk kishte emergjencë. Pse nuk e nxori aktin normativ kur ishte Shqipëria cep më cep me drogë.

Pse nuk e nxori Edi Rama ligjin kur hynë në Kuvend trafikantë femrash, U mbars mali dhe polli një mi, kështu është dhe kjo puna e makinave të blinduara që kapen në Shqipëri.

Ti marrësh një krimineli një makinë të blinduar, është si të më marrësh ty dhe mua që jemi me rroga, 200 apo 300 mijë lekë. Ku ishte ky ligj, ku ishte, këta kur Vangjush Dako blinte dhe shiste votat me kriminele.

Ky ligj u bë për të futur nën thundër SPAK-un dhe Prokurorinë, e dyta për ti vënë gjoba biznesit në prag të zgjedhjeve, sepse jo të gjitha dalin në televizor. Po vlon kjo çështje se tani është vetëm në fillimet e veta. Po të them se kjo shërben dhe për të bërë dekonspirimin e hetimeve”, u shpreh Gjata në Fax News.