Drejtoresha e Inspektoriatit Shëndetsor në Tiranë, Areti Beruka ka deklaruar se është caktuar një strukturë spitalore e cila do të përdoret si një vend për karantinë, por në asnjë moment nuk është caktuar emër se ku do të jetë.
Ajo ka theksuar se nuk do të jetë spitali i Kavajës, ndërkohë nuk ka dhënë detaje në lidhje me ambjentin që është caktuar si vendi do të përdoret për karantinë.
“Unë në dijeninë time di që është një strukturë spitalore, nuk e di që është caktuar Kavaja. Nuk ka nevojë të bëhet politikë me këto emërime. Është një strukturë spitalore dhe përderisa ne flasim nuk ka asnjë rast nuk mund të them emër. Karantina është një vend që izolohen pacientë të shëndoshë të cilët marrin shërbimin e duhur. Nëse kemi një person që identifikohet personat që kanë pasur një kontakt të tillë ka dhe rastin kur vetë personi mund të karantizohet”, tha Beruka në Abc News.
Ajo ka theksuar se orët e fundit janë verifikuar dhe analizuar 7 raste të dyshuar në lidhje me koronavirus, ku analizat kanë dalë negative për gjashtë prej të dyshuarëve ndërkohë një vijon të jetë akoma në proces verifikimi.
Diskutime rreth kësaj post