Mbërrin në Shkodër me autobus një qytetar kinez, mjekja zbulon gjendjen e tij dhe bën apelin e fortë

Një autobus me qytetarë nga vende të ndryshme të botës mes tyre edhe një qytetar kinez ka mbërritur nga Milano në pikën kufitare të Murriqanit.

Mjekja Dhurata Hysa deklaroi se pas kontrollit ata kanë rezultuar pa shenja të koronavirusit. Ajo ka kërkuar shtim të personelit mjekësor për të mbuluar edhe turnin e natës pasi siç ajo bën të ditur, me shtimin e kontrolleve në këtë pikë po punohet 24 orë për kontrollin e pasagjerëve.

“Për momentin mund të them se nuk ka vend për panik. Kemi shtuar masat dhe personelin. Shërbimi është 24 orë. Kemi kërkuar edhe personel tjetër për shkak se duhet të jemi 24 orë. Nuk ka pasur asnjë rast të dyshuar. Të gjithë ata që vijnë nga zonat që janë cilësuar nga vatrat e sëmundjes ne i ndalojmë dhe bëjmë një listë. Matja e temperaturës dhe i kemi pyetur. Ne kemi dy dhoma këtu. E para është dhoma ku kemi bazën materiale dhe tjetra ku bëhen procedurat. Ne kemi pikën kufitare të Murriqanit.. Kemi mjekë në shërbim 24 orë. Rrisku është rritur. Por kaq janë masat që ne mund të marrim. Intervista nxjerr nëse personi ka pasur kontakte”, u shpreh mjekja.