“Kam punuar që e vogël”, moderatorja e njohur e ‘Top Channel’ tregon rrogën dhe sa para harxhon në muaj

Në rubrikën “Trotuar” në “E diell”, dje tema ishte mbi pagat. Nevina Shtylla gjatë emisionit zbuloi rrogën e saj të parë dhe sa harxhon tani. Moderatorja tregoi se ka punuar që e vogël dhe rroga e saj e parë ka qenë 250 mijë lekë.

“Kam patur fatin të punoj që e vogël. Madje mund ta them që rroga ime e parë ka qenë 250 mijë lekë të vjetra, bashkë me siguracionet. Unë ia dilja edhe të kurseja sepse jetoja me familjen. Mundohesha të hiqja edhe një pjesë për familjen sepse është detyrim. Sot jam prapë në fazë kursimi. Harxhoj tek 500 mijë lekë në muaj sepse kam harxhime. Vetëm të vij në Top Channel me makinë është harxhim. Paratë nuk po i kursej për pushime, por për të krijuar diçka timen”, u shpreh Nevina.