Prezantuesja e njohur Alketa Vejsiu ka folur sërish për eksperiencën e saj të fundit në festivalin Sanremo, ndërsa foli gjithashtu për përjetimet e një karriere në ngritje mes furisë së zërave kritikë.
“Kë përfaqësove ti në Sanremo, Alketa Vejsiu?” – e pyeti Ilva Tare moderatoren në emisionin e saj.
“Unë mendoj që përfaqësova veten time. Ishte ëndrra ime. E gjithë eksperienca është raporti i Alketës me ëndrrën e saj. Unë jam e bindur që jo të gjithë njerëzit janë në frekuencën e lumturisë time sepse sot mund të numërojmë shumë njerëz që vuajnë dhe janë në spitale, shumë të tjerë mezi ia dalin që të mbyllin muajin shumë kanë sfidat e përditshme me fëmijët e tyre, dikush sentimentalisht nuk është në një moment të mirë emocional, dhe jo të gjithë mund ta kuptojnë këtë entuziazmin edhe gëzimin që përjeton dikush në raport me ëndrrën e tij,” – u përgjigj Vejsiu.
Megjithatë sipas prezantueses kjo nuk përbën arsye për të lënë pas mirësinë mes njerëzve.
“Ajo që unë dua të ndaj është patjetër që ti mund të mos jesh i lumtur për mua por kjo nuk do të thotë që ti duhet të jesh i lig dhe i keq. Patjetër që ka dy trena, ka një tren ekspres ku unë kam hipur që e vogël, kam punuar mbi këto vlerat për të cilat do të doja të flisnim siç ka edhe disa qerre të cilat tërhiqen nga njerëz regresivë,” – u shpreh Vejsiu.
Diskutime rreth kësaj post