Moderatorja e njohur e ‘Top Channel’, Dojna Mema, në dhjetorin që lamë pas humbi njeriun e saj me të shtrenjtë, babain. Lajmin e hidhur e dha vetë moderatorja, e cila ndau në Instagram një video me momentet më të bukura me të atin, krahas së cilës shkruante:
“Nuk le asnjë sekondë pa jetuar plotësisht. Ndoshta prandaj ike kaq shpejt, e pive jetën me një kupë!
Për ata që njohën Bujarin e Interpolit, ky eshte Babi i familjes.
P.s : Ti e di, gjithmonë bashkë, gjithmonë një shpirt për katër.”
Gjatë daljeve në ekran, Dojna është munduar të qëndrojë sa më e fortë dhe kjo i ka bërë përshtypje ndjekësve të saj, të cilët e kanë pyetur në InstaStory.
Dikush u bë kurioz të dinte si e përballon moderatorja dhimbjen, ndaj Dojna nuk e kurseu një përgjigje frymëzuese.
“Ndonjëherë nuk ke luksin të jesh i dobët dhe gjen brenda vetes të gjithë forcën e botës për të vazhduar përpara. Thonë se gjithçka ndodh për një arsye dhe ndoshta një ditë do ta shoh qartë edhe unë. Deri atëherë mundohem të përqendrohem tek bekimet që më ka dhënë jeta.”– është shprehur Dojna.
FOTO:
Diskutime rreth kësaj post