Në Zvicër hyn në fuqi vendimi: 1 cigare, 1 orë punë më shumë

Nga 1 shkurti, punonjësit e kantonit Ticino që lënë ndërtesat e tyre për një pushim cigaresh shtesë, do të duhet të zgjasin kohën e punës. Tani për tani, rregullorja prek ata që punojnë në ndërtesat e Parlamentit dhe qeverisë kantonale.

Masa pason një ndërhyrje vitin e kaluar nga një parlamentar që donte të dinte se si të rregullonte trajtimin e pabarabartë të duhanpirësve, të cilët më shpesh mungojnë nga tavolinat e tyre, dhe jo duhanpirësit në vendin e punës.

Si pasojë, qeveria e kantonit jugor që flet italisht, vendosi të hartojë rregulloren e re. Rregulli vlen për të gjitha pushimet shtesë përtej atyre të lejuara (dy pushime prej 15 minutash në ditë pune, për të gjithë punonjësit).

Ende nuk është vendosur nëse do të zgjerohen rregullat e reja në ndërtesat e tjera administrative. Kantoni Ticino ndaloi pirjen e duhanit në vende publike në vitin 2007 – kantoni i parë zviceran që e bëri këtë.