Pas takimeve të shumta që ka zhvilluar ditët e fundit, ambasadorja e Shteteve të Bashkuara të Amerikës, Yuri Kim, me të gjithë krerët e lartë të institucioneve në vend, ka inspektuar nga afër edhe situatën dy muaj pas tërmetit dhe ka shprehur solidaritetin e saj me familjet e prekura.
Ajo tha se qytetarët amerikanë ndodhet pranë popullit shqiptarë dhe se do vijojë puna ngushtësisht me qeverinë shqiptare.
“Ne donim të vinim dhe të shprehnim solidaritetin me qytetarët e Durrësit pas tërmetit të 26 nëntorit. Është e rëndësishme për miqtë të festojnë së bashku por më e rëndësishme është të mund ta ndihmojnë njeri-tjetrin. Sapo kam ardhur nga vizita e Kryqit të Kuq shqiptar sepse doja të shihja jo vetëm dëmet por edhe përpjekjet që po bëhen për rikuperimin nga dëmet.
Doja që populli shqiptar ta dinte se miqtë tuaj amerikanë janë në dijeni të asaj çfarë ka ndodhur. Ndihma jonë financiare, teknike dhe njerëzit tanë erdhën menjëherë pas fatkeqësisë. Ne do vazhdojmë të punojmë ngushtësisht me qeverinë shqiptare për të bërë gjithçka që është mundur për t’iu ardhur në ndihmë qytetarëve”, tha ambasadorja e SHBA.
Diskutime rreth kësaj post