Mbledhja e parë e Këshillit Politik nuk i kishte lënë një shije të mirë Fatmir Mediut i cili ka shprehur rezerva mbi marrëdhëniet me aleatin e madh. Mediu nënvizon se reforma zgjedhore duhet të jetë gjithëpërfshirëse dhe të mos mbetet në dëshirën e pak personave.
“I kam kërkuar aktorëve kryesorë që ky këshill të ketë funksionin që duhet, në bazë të marrëveshjes që është realizuar. Unë besoj që do ta ketë një funksion të tillë sepse produkti nuk është thjesht teknik. Produkti është një marrëdhënie edhe politike. Sa më tepër pjesëmarrje të ketë në këtë vendimmarrje aq më mirë është. Kur ne synojmë të kemi aktorë nga shoqëria të involvuar në proces, besoj se involvimi i një mase më të madhe partish politike në gjykimin e një çështje, padyshim që është i rëndësishëm”, – tha Mediu.
Për të shmangur një vendimmarrje përjashtimore, Mediu sugjeron që propozimet e opozitës për reformën, të dakordësohen fillimisht mes gjithë aleatëve, para se të hidhen në tryezën politike përballë mazhorancës.
Diskutime rreth kësaj post