Çfarë do të ndodhë pas reformës më 15 mars? Reagon për herë të parë ish-ministrja e LSI

Ish-ministrja e Integrimit, Klajda Gjosha, ka komentuer rëndësinë e reformës zgjedhore si një nga kushtet e Bundestagut gjerman për çeljen e negociatave dhe ka treguar se çfarë pritet të ndodhë pasi të miratohet Reforma Zgjedhore.

“Ne mund të kemi në reformë në letër por çështja është si do të implementohet ajo dhe këtu vijmë te kushti i dytë i Bundestagut gjerman, për t’i dhënë fund krizës. Ne kemi probleme me nivelin e demokracisë në vend. Është e rëndësishme që kjo zgjidhje të vijë përmes zgjedhjeve të lira, e për këtë nevojitet një reformë konsensuale dhe gjithëpërfshirëse.” – u shpreh Gjosha.

Pjesë nga intervista në News 24:

Çfarë pret LSI?

Të gjithë presim rekomandimet e OSBE, jo vetëm LSI. Me rëndësi është të kemi edhe ekspertizën e huaj, për të patur profesionistë për këto lloj reformash, e ne duhet patjetër t’i miratojmë ato. Janë rekomandime që qëndrojnë në tavolinat e politikanëve për mbi 6 vite. Duke parë ç’do prodhojë kjo tryezë, LSI është e hapur për diskutime të gjera se sa vetë rekomandimet e OSBE/ODHIR.

Pas reformës më 15 mars çfarë do të ndodhë?

Të shpresojmë se do jetë një ditë e mirë për Shqipërinë, dhe më pas ajo që duam janë zgjedhjet e parakohshme, nuk tërhiqemi nga qëndrimi ynë, si e vetmja zgjidhje për vendin.