Rudina Hajdari paralajmëron ndryshimin e madh në Shqipëri: Ju tregoj arsyen përse u ula në tryezë me mazhorancën

Rudina Hajdari, kryetarja e Grupit Parlamentar Demokrat, gjatë fjalës së saj në foltoren e Kuvendit tregoi përse u ul në tryezë me mazhorancën për reformën zgjedhore. Ajo theksoi se qëllimi i opozitës në këtë sesion të ri parlamentar është ti sigurojë shqiptarëve votë të lirë e të ndershme.

Rudina Hajdari tha:

“Në këtë kuvend janë marrë vendime të rëndësishme politike si dhe një vendim që kishte të bënte me të ardhmen e vendit tonë, për të ndaluar copëtimin e tij. Kjo ngjarje e rëndësishme na bën të reflektojmë për vitin që kaluam, një vit mjaft i vështirë për politikën në vend. Angazhimi ynë në parlament ka qenë kyç dhe i ka shërbyer vendit. Pavarësisht përbaltjes për të delegjitimuar këtë kuvend, puna jonë po vijon të japë frytet e saj. Besoj se i kemi shërbyer vendit tonë. Disa cinikë vazhdojnë ta paragjykojnë këtë vendim tonin. Mendoj se dalja nga kjo krizë duhet të vijë përmes reformave, si ajo në drejtësi si dhe ajo zgjedhore. Angazhimi ynë si deputetë në Kuvend dhe Komisione ka qenë pikërisht që ne të hapim debatin e madh për ndryshimin e sistemit. Unë dua të falenderoj të gjithë, përfshijë këtu edhe opozitën parlamentare.

Kjo reformë nëse mbështet nga SHBA, BE d nuk duhet të mbetet peng në retorikë dhe të kthehet në alibi për një pazar të radhës. Ajo duhet të kthejë besimin te vota. Dua të shpjegoj pse u ula në atë tryezë. Dua të garantoj që ajo reformë të mos abuzojë me besimin e shqiptarëve që ata të jenë në gjendje të zgjedhin dhe jo të votojnë. Ne nuk do bëhem bllokues për integrimin e vendit por nuk do lejojmë që kjo reformë të kthehet në pazar. Angazhimi ynë do të jetë në funksion të kësaj axhende dhe në bashkëpunim me BE dhe SHBA do i japim formën e duhur. Shqiptarët po përjetojnë një krizë të thellë mendimi dhe besimi. Zhvillimi ekonomik vijon të mbetet peng i krizës politike. Reforma Zgjedhore duhet të bazohet tek vullneti për t’i dhënë shqiptarëve të drejtën për të zgjedhur, duke e theksuar ndoshta edhe përmes një referendumi. Shqiptarët kanë pritshmëri të larta dhe duhet t’i japim besimin institucioneve ashtu si shqiptarët e meritojnë, që të ndalim njëherë e mirë emigracionin. Dua t’i kujtoj shqiptarëve që e drejta e tyre në parlament të rikthejë besimin”.