Gjermania mbetet një nga shtetet që mbështesin fuqishëm hapjen e negociatave të Shqipërisë me Brukselin. Duket se kancelarja gjermane, Angela Merkel, nuk ka hequr dorë së apeluari ndaj shteteve që shprehen skeptike për Shqipërisë, që të hapin sa më parë negociatat me vendin tonë.
Gjatë konferencës me homologun kroat Plenkoviç, ndërsa kanë folur për samitin e Ballkanit Perëndimor në Zagreb, Merkel ka prekur dhe temën e nxehtë të hapjes së negociatave për Shqipërinë dhe Maqedoninë e Veriut.
Kancelarja është shprehur se Shqipëria ka plotësuar shumë kërkesa që iu vendosën si kritere, sakaq edhe për Maqedoninë e Veriut kujton se e ka plotësuar kushtin që bllokonte deri tani çeljen e negociatave, arritjen e marrëveshjes me Greqinë për çështjen e emrit.
“Është shumë e rëndësishme që të ketë përparime në çeljen e negociatave me Shqipërinë dhe Maqedoninë e Veriut. Shqipëria ka plotësuar shumë kërkesa që i kishim vendosur. Sidomos procesin e Vettingut dhe tani ka ardhur koha që të çelen negociatat.
Nëse duam të jemi të drejtë, atëherë ne duhet t’i trajtojmë të dy vendet së bashku, pavarësisht se ato pastaj do të ndjekin procedura të ndryshme, në bazë të vlerësimeve që do t’u bëhen”, – ka thënë ndër të tjera gjatë konferencës Merkel.
Diskutime rreth kësaj post