Nga 1 shkurti i vitit 2020 punonjësit e qeverisë në kantonin zviceran të Ticino-s do të punojnë një orë më shumë sa herë që duan të pinë një cigare. Masa është arsyetuar si një mënyrë për të përmirësuar produktivitetin e punonjësve.
Avokatët gjithashtu argumentojnë se joduhanpirësit penalizohen nën sistemin aktual. Sipas ligjit aktual, punonjësit kanë të drejtë për dy pushime 15-minutëshe në ditë. Ndërsa punonjësit nuk do të kenë nevojë për të shënuar orën nëse pinë duhan gjatë kësaj kohe, e gjithë pirja e duhanit jashtë këtyre dy periudhave të pushimit do të matet, përcjell tutje albinfo.ch.
Ligji fillimisht do të zbatohet për ndërtesat e parlamentit kantonal dhe qeveritar, por është vendosur të zgjerohet në ndërtesat e tjera qeveritare në gjithë kantonin në të ardhmen.
Fabio Badasci, nga Ticino, tha se masa ishte e justifikuar jo vetëm për shkak të shqetësimeve të produktivitetit – por ishte e nevojshme në mënyrë që të ishte e drejtë për të gjithë punëtorët.
Badasci i tha faqes zvicerane të lajmeve “Le Temps” se “mungesat e vazhdueshme nga puna për pirjen e duhanit përfaqësojnë një trajtim të pabarabartë midis duhanpirësve dhe joduhanpirësit – dhe (rezultojnë në) një humbje të produktivitetit”.
Pirja e duhanit është e ndaluar në zonat e mbyllura në Zvicër që nga viti 2010, megjithëse vendi ende konsiderohet të jetë një nga më ‘miqësorët e duhanit’ në Evropë.
Rreth 27 për qind e banorëve të Zvicrës pinë duhan.
Diskutime rreth kësaj post