Basha mbledh Kolegjin e Kryetarëve, zbardhet çfarë iu ka kërkuar: Nuk mund të rrezikohet më jeta e qytetarëve

Lideri i PD, Lulzim Basha, ka mbledhur Kolegjin e Kryetarëve, për të diskutuar për situatën pas tërmetit si edhe krizën politike në vend.

Gjatë fjalës së tij Basha tha se:

“Duhet të jemi çdo ditë afër qytetareve, duhet të jemi gjithnjë pranë tyre.

Në degët e prekura nga tërmeti duhen ngritur menjëherë grupe pune që të identifikojnë çdo familje të prekur nga tërmeti.

Këto grupe pune të identifikojnë ato familje që nuk i është ofruar asnjë ndihmë, që gjenden pa strehë në prag të dimrit.

Të evidentohen familjet që nuk kanë vlerësim për banesat e tyre, apo kanë vlerësime kontradiktore, që jetojnë në objekte të shpallura të pabanueshme se nuk kanë ku të strehohen.

Rast pas rasti PD duhet të bëhet zëri i tyre që të dëgjohen dhe tu vihet në ndihmë.

Nuk mund të rrezikohet me jeta e qytetarëve.

Është kriminale që banorët pas një muaji nga tërmeti s’kanë marrë asnjë ndihmë apo janë diskriminuar se nuk kanë votuar më 30 qershor apo për shkak të bindjeve partiake.’ tha Basha.