Sizmiologu i njohur i Universitetit të Selanikut, Spyridon Pavlidis ka treguar për gazetën Dita se bashkë me ekspertët shqiptarë kanë përgatitur një hartë të çarjeve të tokës në Shqipëri, në kuadër të një studimi për gazsjellësin TAP, por edhe të një nisme për një hartë të përbashkët të zonave me rrezik sizmik në Europë.
Ai tha se nuk kanë parashikuar se mund të ketë tërmet, por parashikojnë ku është çarja e tokës, që kushdo, i cili ndërton sipër, të ketë kujdes. Sipas sizmologut, ata nuk e përdorin asnjëherë fjalën parashikim sepse nuk mund të bëhet parashikim.
Duke u shprehur se parashikim do të thotë se mund të thuash kohën, magnitudën, të thuash se në cilin qytet do të bjerë tërmet, ai shton se kjo është e pamundur, të gjithë shkencëtarët e dinë këtë.
“Ne shkuam pak më tej. U fokusuam në disa çarje specifike. Për çdo çarje mund të vlerësosh se çfarë tërmeti mund të japë. Shqipëria, ashtu si Greqia ka shumë çarje të tokës. Pasi u fokusuam, në vlerësuam se këto çarje mund të gjenerojnë si dhe në disa zona që lidhen me të, deri në 6.5.
Sipas të dhënave tona, çdo e çarë llogaritet të aktivizohet për 500 deri në 1 mijë, madje edhe 2 mijë vite. Por kujdes, kur është e vetme. Kur kemi shumë të çara, aktivizohen çdo 40-50 vite”.”– shprehet Pavlidis.
Diskutime rreth kësaj post