Kryeministri Netanyahu tha se Shqipëria është një mik i mirë i Izraelit. Një ekip nga Izraeli mbërriti në Tiranë, pas tërmetit shkatërrimtar të martën e 26 nëntorit, për të ndihmuar në përpjekjet e rindërtimit të banesave të prekura.
Gazeta “The Jerusalem Post” citon kryeministrin izraelit:
“Ne e dimë se Shqipëria është një mik i mirë i Izraelit. Ne kurrë nuk i harrojmë miqtë tanë”. Një ekip izraelit prej 10 vetash mbërriti në Tiranë, për të ndihmuar në përpjekjet e rindërtimit pas tërmetit shkatërrues që goditi vendin javën e kaluar. “Ekipi i dërguar është një dëshmi për marrëdhëniet e shkëlqyera midis vendeve,” tha Ministri i Jashtëm Izrael Katz.
Të udhëhequr nga Koloneli Golan Vach, drejtues i njësisë së kërkimit dhe shpëtimit të Ushtrisë Izraelite (IDF), delegacioni përfshin oficerë dhe inxhinierë që do të ekzaminojnë ndërtesat në zonë për të përcaktuar nëse ato janë të pasigurta. Ata gjithashtu do t’i ofrojnë qeverisë ndihmë logjistike në trajtimin e të plagosurve.
Sipas Ministrisë së Jashtme, qeveria shqiptare ka kërkuar që delegacioni të vizitojë vendet e dëmtuara nga tërmeti në mënyrë që të japin këshilla se si të parandalohet shembja e tyre.
Diskutime rreth kësaj post