Tjetër lëkundje e fortë e tërmetit, epiqendra në Durrës

Një tjetër lëkundje tërmeti ka ndodhur në Durrës në orën 12 e 42 minuta. Mësohet se tërmeti ka qenë më magnitudë 4 të shkallës Rihter.

Po ashtu, sipas EMSC, bëhet e ditur se epiqendra e tërmetit ishte në afërsi të Durrësit dhe thellësia e lëkundjeve ishte 2 kilometra.

Kujtojmë se tërmeti shkatërrues që goditi vendin më 26 nëntor la pas 51 të vdekur si dhe mbi 700 të plagosur e dhjetëra banesa të kthyer në gërmadha.