Kryeministri Edi Rama pasditen e sotme ka shkuar në Spitalin e Traumës, ku ka takuar dy fëmijë të plagosur nga tërmeti në zonën e Thumanës. Dy vogëlushët kishin kërkuar me ngulm takimin me Ramën pasi ishte një dëshirë e tyre. Kryeministri i ka vizituar në dhomat e tyre të spitalit duke shkëmbyer batuta me fëmijët.
Rama: Ku ka tërmet që të tremb ty, ti je si pallat. Është një çun më thanë që të kërkon patjetër, më tha nuk dal pa taku Edi Ramën edhe unë erdha me të nxjerrë.
A janë sjell mirë me ty, a të kanë kërkuar lek se kështu ka dalë nami sikur kërkojnë lek doktorët.
Po ne do takohemi prap bashkë, do bëhemi shok bashkë. Facebookun e hap kur të rritesh, se facebooku e bën njeriun budall, më beso mua. Ti duhet libra edhe sport.
Libra do kesh deri sa të jem unë, kur të mos jem unë pastaj do kesh teta Gertën (ministrja Manastirliu)
“Sa i gjatë je ti? 1,45 je ti, sa Erion Braçja kaq i vogël qenke’, ka thënë mes batutash me vogëlushët Rama.
Diskutime rreth kësaj post