“Një shef komisariati u arrestua duke marrë thasë me ndihma”, kryeministri Rama trondit me atë që tregon: Kjo është babëzi

Pas personit që vidhte donacione në emër të kryeministrit Edi Rama dhe bashkëshortes së tij Linda Rama, një tjetër person është vënë në pranga për mashtrim. Mbrëmjen e djeshme, në një prononcim për mediat nga çadrat e banorëve të Thumanës, Rama tha se një shef komisariati është vënë në pranga, pasi është kapur duke marrë dy thasë me ndihma, për t’i dërguar në shtëpinë e tij.

“Një shef komisariati që merr dy thasë me ndihma. Kjo është babëzi. Ok ai do bëj lajm, por si ka mundësi”, deklaroi Rama pa zbuluar emrin e tij.