Prej disa vitesh, Cristiano Ronaldo duket se ka gjetur përfundimisht dashurinë e tij të vërtetë, pasi duket mjaft i lumtur në krahët e Georgina Rodriguezit. Ata kanë edhe një vajzë së bashku, e cila quhet, Alana Martina. Së fundmi, çifti i njohur duket se është bërë edhe zyrtarisht burrë e grua.
Të paktën kështu raporton ‘Novelle 2000’, e cila pretendon se çifti është martuar në Marok në një ceremoni sekrete.
Ceremonia ka ndodhur në fund të këtij gushti dhe gjithçka është mbajtur e fshehtë. Portugezi para martesës ka kërkuar një ndryshim në testament, duke mbledhur të gjithë avokatët e tij. Në 29 gusht, CR7 ka përditësuar testamentin e tij duke e futur dhe gruan e tij aty. Deri në atë kohë testamenti i tij menaxhohej plotësisht nga nëna e tij, por 34-vjeçari vendosi të vendoste dhe emrin e Georginës në të.
Diskutime rreth kësaj post