Shefi i Shtabit të Përgjithshëm të Greqisë viziton ushtarët në kufi me Shqipërinë, zbardhen arsyet

Shefi i Shtabit të Përgjithshëm të Greqisë, gjenerali Jorgos Kambas, ka vizituar disa pika ushtarake në kufi me Shqipërinë.

Gjenerali vlerësoi moralin e lartë të ushtarëve dhe uroi drejtuesit për shërbimin që ata ofrojnë në territorin Grek.

Kambas i realizoi këto vizita ditën e shtunë, më 10 nëntor, kryesisht në repartet e Prefekturës së Follorinës.

Mediat vendase shkruajnë se qëllimi i inspektimit të gjeneralit ishte testimi i gatishmërisë së ushtarëve dhe ngritja e moralit të tyre.

Gjatë vizitës së tij, ai vuri në dukje disiplinën e lartë të stafit dhe pati mundësinë të bisedojë me ta.