Në Zvicër, sot ka 725,000 njerëz me pasuri prej një milion e më shumë. Ky numër pritet të rritet në 988,000 deri në vitin 2023.
Pavarësisht një rënie të lehtë, zviceranët ende kanë pasurinë mesatare më të lartë për një të rritur, sipas një raporti të World Wealth Report nga Credit Suisse.
Sipas raportit, pasuria mesatare e një të rritur zviceran është 530,240 dollarë (577,707 franga), derisa vitin e kaluar ishte 537,600 dollarë, transmeton Klan Kosova.
Zvicra është në vendin e parë, e ndjekur nga Australia ($ 411,060) dhe Shtetet e Bashkuara të Amerikës (403,970 $).
Matur në franga zvicerane, pasuria familjare u rrit 39% që nga viti 2000 (129% në dollarë, kryesisht për shkak të vlerësimit të frangut zviceran kundrejt dollarit).
Mbi 60% e të rriturve zviceranë kanë pasuri me vlerë më shumë se 100,000 dollarë. Në terma të individëve të pasur, 11% e banorëve zviceranë janë milionerë, 2.650 kualifikohen si persona me vlerë të lartë neto (mbi 50 milionë dollarë) dhe 980 kanë një vlerë neto më të madhe se 100 milionë dollarë.
Siç shkruan albinfo.ch, në Zvicër sot ka 725,000 njerëz me pasuri prej një milion e më shumë. Ky numër pritet të rritet në 988,000 deri në vitin 2023.
Megjithatë, zviceranët kanë një nga nivelet më të larta të borxhit absolut në botë me 138,810 dollarë për të rritur. Zvicra është gjithashtu një lider në mesin e vendeve më të pasura kur bëhet fjalë për pabarazinë e pasurisë.
Diskutime rreth kësaj post