Deputeti Ralf Gjoni shprehet se debatet në grupin Demokrat në Kuvend janë normale pasi kudo në botë brenda një grupi parlamentar ka përplasje dhe fërkime.
Më pas Gjoni ka paralajmëruar se mund të ketë edhe përçarje të tjera.
“Nuk preket kauza jonë, kjo i shërben në fakt. Nuk do ketë ndryshim të Kodit zgjedhor pa kaluar në Komision. Nuk më intereson çfarë thotë mazhoranca. Ne jemi bllok. Nëse ata mund të tentojnë për 4-5 që të marrin mund ta bëjnë por shqiptarët nuk mendoj që kanë për ta lënë kështu. Por në të kundërt në qafë e paçin. Ne do të arrijmë të bindim popullin që të detyrojë mazhorancën për ndryshimin zgjedhor. Gjermania foli për Reformë Zgjedhore, BE po ashtu. SHBA po na mbështet. Nuk ka ndërkombëtar që thotë për miratimin e Kodit nuk duhet të preket sistemi. Mazhoranca ka rënë dakord për grupe pune. Ne do bëjmë draftin tonë si komision. Kur ne flasim për sistem jo vetëm lista të mbyllura lista të hapura, por edhe transparenca e financimin, funksionimin e partive etj. Besoj se do të kushtëzojmë mazhorancën për Reformë.” ka thënë Gjoni në Report Tv.
Diskutime rreth kësaj post