‘Zgjedhjet janë blerë në Shqipëri! Çmimi i votës nga 50 euro ka vajtur edhe në 100”, Majko del me deklaratë të fortë: Turpi më i madh është kur ulëret hajduti

Ministri i Diasporës, Pandeli Majko duke diskutuar mbi zgjedhjet në vendin tonë tha se votat janë shitur dhe blerë shumë herë dhe se historia nuk fillon këto vitet e fundit.

“E kemi thënë dhe ka patur zona, mesatarja ka qenë 50 euro, por për shkak të përplasjes së egër ka vajtur edhe në 100 euro. Dhe e dinin të gjithë. Dikush thotë se “si ka mundësi që PS-së i vajtën disa të fortë?”, sepse ishin disa të fortë që vinin dhe rrëmbenin kutinë e votimit, na rrihnin komisionerët, nuk po flas për ’96-ën, por për më vonë. Si rezultat i forcës, si rezultat i vjedhjes, si rezultat i egërsisë, çdo aksion ka një kundër aksion. Nuk filloi historia e Shqipërisë në këto dy zgjedhjet e fundit. Zgjedhjet janë blerë në Shqipëri. Turpi më i madh është të ulërasë për vjedhje hajduti”, deklaroi Majko në ‘në Top Talk’.