Siç sigurisht e keni dëgjuar, Meghan Markle dhe Princ Harry, u bënë dje prindër për herë të parë. Pjestari më i ri i familjes mbretëore britanike, erdhi në jetë para disa orësh dhe përveç Princit, i cili në një njoftim të shkurtër u shpreh se ishte shumë i lumtur dhe gjithçka kishte shkuar shumë mirë gjatë lindjes, edhe personazhe të tjerë të njohur uruan dukët e Sussex-it për gëzimin e tyre.
Sigurisht që këtyre urimeve ju bashkua dhe babai i Meghan, Thomas Markle, pavarësisht se ai konsiderohet si “i përjashtuar” nga familja mbretërore dhe shpesh herë shkëmben deklarata jo miqësore me ta. Në një njoftim për “The Sun” ai tha: “Jam shumë i lumtur që dëgjoj se nëna e re dhe fëmija janë mirë. Jam shumë krenar që nipi im është një pjestar i monarkëve britanikë dhe jam i sigurtë që do të rritet për ti shërbyer në mënyrën e duhur kurorës dhe qytetarëve anglezë, me dinjitet, përulësi dhe nder. Zoti e bekoftë fëmijën dhe i uroj një jetë të shëndetshme me lumturi, dhe urimet më të mria për vajzën time të mrekullueshme, dukeshën Meghan dhe Princin Harry!”
Në fakt, edhe pse shumica prej jush do të mendojnë që këto fjalë janë krejtësisht normale, të ardhura nga një person që sapo është bërë gjyshi i i një fëmije mbretëror, ata që janë ndjekës të lajmeve që vijnë nga familja e monarkëve, kjo deklaratë i vjen si një suprizë. Për më tepër që hera e fundit kur Thomas Markle foli me Princin Harry, gjërat nuk shkuan dhe aq mirë, e ai u shpreh në publik se trashgimtari i fronit ishte treguar arrogant dhe duhet të rritet. Por mesa duket marrëdhënia mes tyre është përmirësuar. Ose ardhja në jetë e djalit të Meghan, i ka bërë të gjithë të harrojnë mëritë e së kaluarës.
Ndërkohë, mamaja e dukeshës së Sussex do të qëndrojë në pallatin mbretëor, për sa kohë që ajo të ketë nevojë për ndihmë me djalin. Për Thomas gjithsesi është e vështirë që në një të ardhme të afërt ta shohim të vizitojë mbretërorët në pallatin e tyre.
Diskutime rreth kësaj post