E rëndë, futbollisti 28-vjeçar ndërron jetë në fushë

Një ngjarje e rëndë ka tronditur botën e futbollit disa orë më parë. Futbollisti 28-vjeçar, Papi Fati ka ndërruar jetë në fushën e lojës.

Në fakt, pas një kontrolli mjekësor, ishte evidentuar një problem në zemër dhe futbollistit i ishte këshilluar që t’i jepte fund karrierës dhe t’i nënshtrohej një operacioni. 28-vjeçari vendosi të mos dëgjonte fjalët e mjekëve, teksa ditën e sotme, gjatë një ndeshjeje, u rrëzua në tokë pas 15 minuta lojë.

Ai u dërgua menjëherë në spital, por nuk arriti të mbijetonte. Futbollisti kishte shënuar 2 gola në 7 ndeshjet e fundit dhe madje kishte siguruar ftesën e kombëtares. Për 3 muaj ai do të merrte pjesë në Kupën e Kombeve të Afrikës, por ëndrra e tij u ndërpre në mes.