Vendimin e fundit i ministrit në detyrë për Europën dhe Punët e Jashtme, Gent Cakaj, për heqjen e targave diplomatike të konsujve të nderit, e kanë komentuar edhe disa prej tyre, të cilët theksojnë se kjo punë i takon Policisë së Rendit dhe e gjitha bëhet për show mediatik. Njëri prej tyre, Arben Malaj, konsull nderi i Austrisë, thotë se personalisht nuk i ka marrë targat diplomatike por për të ky vendim dëmton kredibilitetin e MEPJ dhe thekson gjithashtu, se ministri Cakaj; ”Duket se ka humbur fokusin tek prioritetet kombëtare dhe plotëson axhendën mediatike me lajme të tilla”.
Postimi i plotë i Arben Malajt
Një sqarim pa targa diplomatike, të cilat nuk i kam marrë edhe pse kam një vit Konsull Nderi i Austrisë për Shqipërinë jugore. Përzgjedhja konsull nderi është një proces diplomatik shumë burokratik deri në vlerësimin nga shërbimet sekrete të dy vendeve, vendit propozues dhe vendit ku do të ushtrojë aktivitetin. Është e vërtetë që propozimin e një vendi duhet ta miratoj vendi pritës në këtë rast Shqipëria.
Kisha shpresuar që zvëndës ministri i jashtëm, do kishe kërkuar takim me shoqatën e konsujve të nderit për ta promovuar këtë mundësi diplomatike për promovimin e vendit tonë, për rritjen e aktiviteteve ekonomike, shkencore e kulturore. Kisha shpresuar se nqs realisht ka një problem me target, Sekretari i Përgjithshëm i MEPJ të bënte një takim me kryetarin e shoqatës së konsujve të nderit dhe qartësonte problemin konkrete dhe bashkëpunonin për zgjidhjen e tij sa më shpejtë.
Fokusi i zv ministrit tek lëvizjet në staf, target apo pasaporat diplomatike e dëmtojne profilin e një shtetari, dëmtojnë kredibilitetin e MEPJ e cila duket se ka humbur fokusin tek prioritetet kombëtare dhe plotëson axhendën mediatike me lajme të tilla.
Ditë të mbarë!
Arbeni
Diskutime rreth kësaj post