Protesta para Parlamentit ka mobilizuar shumë forca policie, ndërsa një pjesë tjetër ka monitoruar procesin në distancë. Ish-deputeti i PD-së, Tritan Shehu ka publikuar disa fotot të forcave speciale të policisë, të cilët kanë hipur mbi godinën e re të Xhamisë së Madhe pranë Parlamentit për të fotografuar turmën. Ndërkohë nuk kanë munguar as snajperistët në minaret e xhamisë.
Postimi i plotë i Tritan Shehut
“Institucionet fetare nuk janë mjedise ku shteti mund të vendosë “specialistë” e mjete të sofistikuara për të përgjuar masën e njerzve, që proteston afër tyre pikërisht kundër mos respektimit të të drejtave etj, nga qeverisja.
Pamjet që duken nga Xhamia pranë Kuvendit gjatë protestës së sotme, flasin vetë.
Ndërsa disa ditë më parë po kjo Rilindje u akuzua për tentativë “futje duarsh” në proceset e votimit pikërisht të Komunitetit Musliman.
Dikush duhet të ngrejë zërin e të protestojë për këtë mungesë respekti ndaj këtyre strukturave, shpërdorim të pushtetit, që në realitet kështu mund t’i komprometojë edhe ato institucione të nderuara, të besueshme e larg politikës.
Në mënyrë absolute kjo ndodhi e shëmtuar dhe e përsëritur duhet të bëhet objekt i një procesi hetimor serioz e të thelluar”, – përfundon Shehu.
Diskutime rreth kësaj post