Ish-ministri i Drejtësisë Ylli Manjani ka sqaruar sot si jurist me përvojë dhe politikan, se si zgjidhet ligjërisht situata e post dorëzimit të mandateve të opozitë. Manjani shkruan:
1. Situata e djegies apo dorëzimit en block të deputetëve të opozitës nuk është një çështje juridike, por një gjest thellësisht politik.
2. Kushtetuta e ligji zgjedhor ka parashikuar procedurën e zëvendësimit të mandatit të deputetit por jo zëvendësimin e opozitës.
3. Ligjërisht nuk ka çështje për të zgjidhur, sepse qeveria ka numra parlamentarë mjaftueshëm për të qëndruar në këmbë. Diskutimi është a mund të rrijë në këmbë politikisht dhe moralisht.
4. Duke qenë se kjo është një situatë politike zgjidhja duhet kërkuar në hapësirën politike dhe jo juridike. Çdo hap juridik që tenton të trajtojë krizën politike, vetëm e përkeqeson këtë të fundit.
5. Aktualisht topi është në anën e qeverisë. Ajo ka barrën të ofrojë zgjidhjen politike të përshtatshme për situatën.
Diskutime rreth kësaj post