Deputeti Klevis Balliu është nxehur dje seancën plenare në Kuvend, pasi i kanë përmendur të motrën, e cila sipas mediave të asaj kohe ka qenë e përfshirë në ngjarjen e Gërdeci.
Deputeti demokrat Klevis Balliu ka kërkuar nga deputetët e mazhorancës që të mos e “krruajnë” me motrën e tij.
“Zoti kryetar është bërë dicka e vazhdueshme këtu që kur s’janë deputetët në sallë, përmenden emrat e familjarëve. Nëse ka dicka për të thënë për familjen e ndokujt, ta flasi këtu, aq më tepër kur vjen nga goca e Natasha Xhackës që ka qenë e kërkuar për birësime të paligjshme.
Kështu që po pati mundësi, meqenëse po flasim edhe për etikë…deri tek Fahriu ju a kam lejuar duke qenë se ai merret edhe me ju, merruni edhe ju me atë, është fair game (lojë e drejtë). Po tek motra është off limits dhe bëni mirë që të mos e krruani atje sepse ka tjetër përgjigje, për Xhackën dhe të gjithë këta të tjerët që janë këtu”, është shprehur Balliu.
Fill pas fjalës së tij ka reaguar ministrja e Mbrojtjes Olta Xhacka. “O keni folur ju familjarisht me të bëra dhe të pabëra, duke futur hundët bir më bir si të kishit qenë ju nga ata komunistët atëherë që gjuanin njolla mbi biografitë e të tjerëve, s’e ka bërë njeri. Sa për nënën time djalë, ti i ke buzët me qumësht për të ditur se cfarë ka bërë ajo. Kështu që, herën tjetër, matu kur ta përmendësh atë. Për të pyet liderin historik, pyet Saliun sesi e zëvendësonte në atë kohë juristët e kohës me serën e vet të 6-mujorëshve. Je shumë i vogël t’i për të bërë histori, je i fundit”, iu kundërpërgjigj Xhacka.
Diskutime rreth kësaj post