Moti i keq “mbërthen” Shqipërinë, si do të luhaten temperaturat

Reshjet e shiut dhe të dëborës do të rikthehen në Shqipëri. Pas ditëve të fundit të thata dhe të ftohta, pritet që reshjet të nisin në të gjithë vendin.

Instituti i Gjeoshkencave, Energjisë, Ujit dhe Mjedisit ka bërë parashikimin e motit për të mërkurën.

Reshjet
Priten reshje lokalisht të dobëta gjatë pjesës së dytë të ditës (siç tregohet në tabelë, respektivisht për secilin qark).

Reshje në formë dëbore priten deri në 400m mbi nivelin e detit (në zona të kufizuara mund të zbresin dhe poshtë këtij niveli).

Temperaturat
Temperaturat minimale dhe maksimale të ajrit pritet të arrijnë:

në bregdet: 2 / 11 °C

në vendet e ulëta: 0 / 8 °C

në vendet malore: -5 / 3 °C

Era
Era pritet të fryjë e lehtë deri mesatare. Në zonat malore në Veri do të fryjë deri e fortë sot pasdite.