Sot opozita është rikthyer në Parlament duke shpëtuar në këtë mënyrë edhe mandatet por sapo kanë hyrë në Kuvend ka qenë kryetari i Partisë Demokratike, Lulzim Basha që ka marë menjëherë fjalën duke shpërthyer në ofendime ndaj Ramës dhe deputetëve të tjerë të PS.
Edhe pse mes tyre kishte nga ata të cilët mbrojtën idenë e djegies së mandateve, aleatët opozitarë ranë dakord që të rinisin aktivitetin parlamentar ditën kur diskutohet dekreti i Presidentit Ilir Meta, i cili ktheu për rishqyrtim buxhetin e vitit 2019.
Para nisjes së seancës, PD ka mbledhur grupin parlamentar. Ndërsa burime nga PD bëjnë më dije se nuk do të jetë një seancë normale
Sipas Opozitës, prania e saj në Kuvend është për dy arsye, e para për të mbështetur studentët në kauzën e tyre dhe e dyta për vetingun në politikë, një propozim i vetë Partisë Demokratike.
Ndërkohë, paralelisht me seancën plenare, para parlamentin po protestojnë edhe një grup studentësh
Rreth orës 08:45 në të gjitha fakultetet ka nisur grumbullimi i studentëve, ndërsa në orën 10:00 ata do të nisin marshimin e tyre drejt Parlamentit.
“Bojkotimi i mësimit, mbledhjet koordinuese në fakultete do të jenë të përditshme. Dita e nesërme, kur Kuvendi i Shqipërisë mblidhet në seancë plenare, është vendimtare. Aty do të jenë strukur të gjithë përgjegjësit e katastrofës universitare, të sotmit dhe të djeshmit”, shkruan në Facebook “Lëvizja për Universitetin”.
Protesta para Kuvendit vjen në një kohë kur, kryeministri Edi Rama ka nisur një tur për dialog me studentë dhe pedagogë, duke hasur në kundërshtime të mëdha në Vlorë, ndërsa nxitoi të bënte publik edhe “Paktin për Universitetin” dhe të miratonte “Kartën e Studentit”.
Në protestën para Parlamentit janë mbledhur edhe protestues të opozitës.
Diskutime rreth kësaj post