Studentët vijojnë protestën të ndarë në dy grupe, ndërsa kërkojnë plotësimin e tetë kërkesave, por pa dialog me qeverinë. Njëra nga kërkesat e studentëve është përmirësimi i kushteve në konvikte (lexo këtu). E ndërsa pak ditë më parë Rama publikoi një video me pamjet nga investimet që po bëhen te Inxhinieria e Ndërtimit, sot Këshilli i Ministrave ka miratuar një tjetër vendim për investimet në konvikte falë mbështetjes së Gjermanisë.
Pas miratimit të këtij vendimi, LSI nëpërmjet një deklarate për shtyp hodhi akuza kundrejt kryeministrit Rama.
“I bëjmë thirrje kryeministrit që të vërë dorë mbi konviktet. Dhe sot për t’i hedhur hi syve shqiptareve, i shton një fond shtesë atij vendimi, por projekti duhet të kishte përfunduar. Studentët kanë kaluar natën mbrëmë në rrugë, dhe tallet me fëmijët e shqiptarëve. Ata kërkojnë të drejtën për të jetuar.”, tha Mehmetaj.
Gjithashtu ajo u bëri thirrje studentëve që të vazhdonin protesta.
Diskutime rreth kësaj post