Ministri grek i punëve të jashtme, G.Katrougalos, në një intervistë në “Real FM” Radio, parashtroi se ka kusht të ri të Athinës paraqitur qeverisë së Shqipërisë për rifillimin e bisedimeve dypalëshe.
“Ne jemi fare afër të zgjidhim të gjitha çeshtjet tona të varura me Shqipërinë. Tani, ajo që presim ne është që pala tjetër të konfirmojë angazhimet e saj për minoritetin tonë. Kohët e fundit ajo ka miratuar një ligj për minoritetet, por ne presim të shohim aktet e tij zbatuese. Sepse prioriteti ynë kryesor është mbrojtja e të drejtave të popullit tonë në Shqipëri. Nëse kjo avancon, unë mendoj se ne mundemi realisht të kthehemi prapë tek bisedimet tona”, u shpreh Katrougalos.
Ndërkohë kujtojmë se zëvendësministrja greke e Rendit, Katerina Papakosta, në 10 nëntor 2018 iu drejtua Tiranës me një kërkesë me qitje të largët:
“Ashtu si ka kërkuar Shqipëria për shqiptarët jashtë vendit autonominë apo dhe pavarësinë, duhet t’i japë minoritetit të gjithë të drejtat që i takon”.
Diskutime rreth kësaj post