Kreu i ARRSH-së, Afrim Qëndro është pyetur gjatë konferencës së zhvilluar sot për kostot e larta të ndërtimit të ‘Unazës së Re’ në Tiranë, që shkojnë deri në 40 milionë euro. Sipas Qëndros, analogjia që bëhet me rrugët e tjera nuk qëndron në këtë rast.
“Nuk kemi 2.3 kilometra rrugë, por 2.3 kilometra autostradë e mbyllur dhe 4.6 kilometra rrugë dytësore, ka dy mbikalime dhe dy nënkalime të tjera”, tha Qëndro.
Sipas kreut të ARRSH-së, vetëm mbikalimi që do të ndërtohet te sheshi “Shqiponja” dhe që do të jetë më i madhi në Tiranë, do të kushtojë 1.5 milionë euro.
“Vetëm mbikalimi në hyrje të Tiranës bën 1.5 milionë euro. Janë edhe kostot e rrugëve dytësore dhe veprave të artit”, deklaroi Qëndro.
Afrim Qëndro tha se ndërtimi i veprave të tilla në zona urbane të populluara janë më të komplikuara dhe më të shtrenjta, krahasuar me rrugë që ndërtohen në fushë të hapur.
Diskutime rreth kësaj post