Vetëm pak orë përpara përfundimit të afatit kushtetues 7 ditor për t’u shprehur për propozimin e kryeministrit Edi Rama për të dekretuar ministrin e ri të Brendshëm, Presidenti ka pranuar kërkesën e Sandër Lleshit për ta nxjerrë në lirim si Gjeneral Brigade.
Ky dekret duket si hapi i parë drejt dekretimit për Lleshin, duke qene se Presidenti konfirmoi zyrtarisht se ishte pikërisht statusi i tij si ushtarak aktiv që e detyronte të mos e dekretonte si ministër, për shkak të kufizimeve që kushtetuta ka për këtë kategori.
Gjatë paradites Kreu i Shtetit lajmëroi se do ta bëjë të ditur vendimin e tij në mbrëmje në emisionin “Zonë e Lirë”, në Televizionin Klan.
“Ka kohë deri në darke. Do jem tek kolegu juaj Arian Çani…”
Një ditë më parë Kreu i Shtetit tha se nuk do të ndikohej nga presionet për vendimin e tij për Sandër Lleshin, pa specifikuara nga vinin ato.
Me nxjerrjen në lirim të Sandër Lleshit, Kreu i Shtetit nuk ka me asnjë pengesë kushtetuese për ta emëruar atë si ministër dhe për ta bërë më në fund funksionale Ministrinë e Brendshme, ashtu siç kanë kërkuar me ngul këto ditë Ambasada Amerikane dhe ajo e Bashkimit Europian në Tiranë.
Diskutime rreth kësaj post