Ish Presidenti Bujar Nishani ka komentuar emrin e personit që do të zëvendësojë Xhafan në krye të Ministrisë së Brendshem, post i lënë vakant nga largimi i papritur i Xhafajt.
I ftuar në emisionin Kjo Javën në Neës24, Nishani u shpreh se gjeneral Sandër Lleshi është një ekstremist politik që ka fyer Kushtetutën e vendit.
“Ministrat sot trajnohen si zëdhënës shtypi. Nuk ka rëndësi kush vihet ministër. Personi konkret është një ekstremist politik. Nuk është më gjeneral. Kur ka pasur uniformë u angazhua në aktivitet politik të njëanshëm. Nuk ka fare rëndësi kush bëhet ministër, pasi ministrat rezultojnë të lidhur me krimin. Të dy ish ministrat kanë përfituar nga aktivitetet kriminale. Tashmë nuk ka asnjë vlerë sepse ka humbur çdo sens i besimit dhe i shpresës. Sa më parë qytetarët presin që t’i hapet rrugë shpresës. Lleshi ka fyer kushtetutën duke qenë me uniformë.
Në FA, ushtarakët shërbejnë brenda një termi të caktuar. Nëse nuk merr gradën e caktuar ti del në rezervë. Lleshi e mbylli fazën përkatëse dhe doli në rezervë sipas ligjit. Gjykata u mor me dekretin e presidentit”, tha Nishani.
Diskutime rreth kësaj post