Rëndohet bilanci i ngjarjes në Mat. Kanë humbur jetën edhe dy prej të plagosurve. Për pasojë numri i të vrarëve ka shkuar në tre, si edhe një i plagosur.
Personi i dytë që ka humbur jetën, është Erzen Aliaj, i cili ishte nisur më herët me helikopter drejt Tiranës.
Ndërsa personi i tretë që humbi jetën në spitalin e Traumës, është Hamit Buci.
Më herët Policia e Matit ka dhënë detajet e para për ngjarjen e orës 14:00 të ditës së sotme.
Sipas burimeve zyrtare, mësohet se, Policia e Komisariatit Mat u informua se në fshatin Shëlli, njësia administrative Macukull janë dëgjuar të shtëna arme.
Menjëherë shërbime të shumta policore kanë shkuar në vendin e ngjarjes.
Paraprakisht dyshohet se shtetasi Kujtim Koxha 51 vjeç, pas një konflikti për motive të dobëta ka qëlluar me armë zjarri drejt disa personave, në një lokal.
Për pasojë ka humbur jetën shtetasit M. H., E. A., dhe H. B si dhe ka mbetur i plagosur shtetasi A. H.
Shtetasit E. A., dhe H. B., janë dërguar në drejtim të Tiranës për ndihmë më të specializuar, por për fat të keq nuk arritën të mbijetojnë.
Nga veprimet paraprake rezulton se këta persona po punonin për hapjen e një rruge në këtë fshat.
Dyshohet se autori është konfliktuar më parë me punonjësit e Bashkisë dhe më pas është larguar e ka marrë armën automatik dhe ka qëlluar në drejtim të tyre, në një lokal.
Në vendngjarje është sekuestruar arma e zjarrit.
Është ngritur një grup i posaçëm hetimi me ekspert të Policisë nga Drejtoria Vendore e Policisë Dibër, të cilët po hetojnë këtë ngjarje.
Grupi hetimor gjithashtu ndodhet në vendin e ngjarjes si dhe po sekuestron çdo provë që lidhet me këtë ngjarje.
Rreth një orë pas ngjarjes, arrestohet autori i ngjarjes në fshatin Shëlli, Mat, ku mbetën të vrarë tre persona dhe një i plagosur.
Autori i dyshuar Kujtim Koxha, banues në Shëlli Mat, u kap në një urë në Burgajet.
Për kapjen e tij u vunë në ndjekje 40 forca policie.
Diskutime rreth kësaj post