Kryeministri Rama ka paralajmëruar të gjitha mediat e portalet e vendi që brenda 24 orëve të heqim reklamat për bastet, në të kundër masat do të jenë të menjëhershme.
“Në zbatim të ligjit ekzistues që ndalon reklamimin e kompanive të basteve dhe që është shkelur nga të gjitha mediat pa përjashtim, unë i paralajmëroj të gjithë që të heqin të gjitha reklamat nga ekranet, nga radiot, gazetat, apo portalet. Ne do të mbyllim me forcë çdo faqe online që pas 24 orësh do të ketë reklama bastesh”, tha Rama.
Kreu i qeverisë u shpreh se në Shqipëri nga 1 janari i vitit të ardhshëm nuk do të ngrihet më asnjë qeppen për llot e kazino në asnjë zonë të qytetit.
“Besoj se ky është një lajm që të gjitha familjet shqiptare do ta presin me kënaqësi dhe ka të bëjë me një ndryshim në ligjin për lojërat e fatit. Duke nisur nga data 31 Dhjetor do të pushojnë së funksionari të gjitha kazinotë elektronike”, tha Rama.
Diskutime rreth kësaj post