Jari ka një shpjegim për incidentin e Eni Çobanit dhe bën thirrje për mobilizim

Pas incidentit të Eni Çobanit në Gjirokastër dhe shoqërimit të saj në Komisariat për sqarime, Jari ka reaguar fort, duke tërhequr vemendjen ndaj dhunës ndaj grave:

“Ata që frikësuan Xhisielën, duan të frikësojnë dhe Enin, pasi i tremb drejtësia e pavarur nga drejtësia e shtetit.”

Më pas, ka bërë sqarimin e tij të zakonshëm:

“Të dashur lexues.

Jari ju sqaron!

Ajo që ka ndodhur sot në Gjirokastër është një goditje ndaj drejtësisë së pavarur të Enit.

Drejtësia e kapur nga Edi Rama e ka frikë drejtësinë e pavarur popullore, që po bën Eni Çobani.

Sistemi i saj i drejtësisë bazohet mbi gjyqin popullor dhe dënimin që populli të jep në sallën e gjyqit.

Edi Rama kërkon një drejtësi që të bëhet nga njerëzit e tij, nga gjyqtarët dhe prokurorët e tij.

Ajo që ka ndodhur sot në Gjirokastër është si dy pika uji me atë që ka ndodhur në Fush Krujë.

Drejtori i Policisë së Gjirokastrës e ka futur Enin në zyrë, i ka vënë pistoletën tek koka dhe i ka thënë tërhiq kërcënimin ndaj gruas, që ke bërë.

Eni nuk u dorëzua.

Pastaj hyri Taulant Balla dhe i tha komisarit: Ule pistoletën se kjo është grua e mirë, e di vetë se ç’duhet të bëjë.

Pas kësaj, Eni doli jashtë, por nuk u dorëzua.

Beteja e saj për një sistem drejtësie të pavarur nga drejtësia e Edi Ramës do triumfojë.

Ata që frikësuan Xhisielën, nuk e frikësojnë dot Eni Çobanin.

Gruaja që tenton të dhunojë Enin ka mbështetjen e shtetit.

Por Eni ka mbështetjen e popullit”.