Tërmetet që kanë prekur së fundmi vendin tonë pa dyshim që na kanë frikësuar të gjithëve.
Në momentet kur toka dridhet ne mendojmë a do të shpëtojmë apo si duhet të mbrohemi për të mbijetuar, për më tepër gjatë natës kur jemi në gjumë dhe mundësia për t’u larguar është edhe më e vogël. Por çfarë mund të arrijë të bëjë teknologjia në rastet kur lëkundjet janë të papërballueshme ?
Ka një zgjidhje që në plan të parë duket interesante.
Bëhet fjalë për një krevat të krijuar posaçërisht për rastet kur tërmeti bie dhe ju jeni në gjumë.
Krevati mbyllet automatikisht dhe është i mbrojtur në rast lëkundjesh, rrëzimesh, apo çdo efekt tjetër që shkakton tërmeti. Gjithçka që duhet të bëni është të shtriheni dhe ai mbyllet vetë, duke iu shpëtuar jetën derisa të kalojë rreziku.
E teksa prisni që rreziku të kalojë, mund të pini pak ujë ose të konsumoni ushqim, pasi ky krevat ju mundëson ruajtjen e depozitave ushqimore.Në videon ku tregohet edhe krevati i dizejnuar nga një shkencëtar kinez duket një zgjidhje ideale, por jo për klaustrofobikët.Dizajni origjinal tregon shtratin e përbërë nga një kuti e madhe metalike me një dyshek në krye.
Kur tërmeti godet, ky dyshek shihet duke u rrëzuar ndërsa kapaku i kutisë mbyllet mbi të, duke e mbyllur brenda personin që është shtrirë.
Megjithatë këto janë vetëm dizajne pasi ende nuk është e qartë nëse krevatë të tillë janë gati të shiten, por shpresa se mund t’i shpëtosh tërmetit edhe kur je në gjumë na bën të gjithëve të padurueshëm për ta parë në përdorim një shtrat të tillë, i cili duhet thënë është një mburojë kundër lëkundjeve të tokës.
Video:
Diskutime rreth kësaj post