Këshilltari ligjor panë PD-së, Gazmend Bardhi, ka denoncuar sot një sërë pasurish të paluajtshme të deputetit të PS-së Ervin Bushati, të cilat ky i fundit nuk i ka deklaruar.
Deklarata e selisë blu vjen si kundërpërgjigje e akuzave të deputetit Ervin Bushati se kunati i Lulzim Bashës ka përfituar miliona lekë.
Bardhi tha se Ervin Bushati u bë deputet vetëm se i fali për 1 euro gruas së Edi Ramës token në Surrel dhe se ka fshehur 7 pasuri mes të cilave 3600 m2 tokë truall.
Deklarata e plotë
Edi Rama dhe e gjithë Partia Socialiste është hedhur në sulm për mbrojtjen e klientëve dhe parave që kanë bërë me klientët.
Edi Rama ka shpallur fushatën se e gjithë vëmendja është tek njerëzit, por, në të vërtetë, e gjithë vëmendja, përkujdesja dhe dashuria e tij është për klientët e oborrit.
Përditë nxjerr deputetët e krimbur nga paratë e vjedhura të shqiptarëve për të mbrojtur oligarkët.
Ervin Bushati, i cili u bë deputet vetëm se i fali për 1 euro gruas së Edi Ramës tokën ku Rama ka ngritur vilën miliona euroshe, doli prapë sot për të shpifur kundër opozitës.
Ervin Bushati që, me kompaninë “Bushati shpk” ka marrë miliona nga tendera shtetërorë dhe miliona të tjera nga oligarkët e Ramës, shpif për opozitën për të mbrotjur paratë e tij, të Padronit të tij dhe të klientëve të Edi Ramës.
Ervin Bushati shpif kundër Partisë Demokratike, sepse i duhet mbrojtja e Edi Ramës për të siguruar paprekshmërinë e tij për fshehje të pasurisë.
Foto:
Diskutime rreth kësaj post