“Gjendja e rrugës nacionale, turp i qeverisë”

Deputetja e Qarkut Dibër, Dhurata Çupi ka sjell edhe njëherë në vëmendje gjendjen në të cilën është katandisur rruga nacionale Skuraj – Klos. Çupi tha se kjo rrugë është në mëshirë të fatit prej disa vitesh e instancat përkatëse nuk po bëjnë asgjë që të rikthehet në normalitet për mijëra banorë të qarkut Dibër.

Deputetja demokrate, i kërkoi qeverisë, ministrisë së transporteve dhe organeve hetimore të gjejnë se ku kanë shkuar paratë që janë dhënë për mirëmbajtjen e këtij aksi rrugor i cili është në gjendje më të keqe se një rrugë rurale.

Rruga Skuraj – Klos vijon të mbetet në gjendje të amortizuar rëndë, ndërsa firma mirëmbajtëse vetëm sa pastron kanalet anësore dhe herë herë hedh ndonjë lopatë zhavor për të mbuluar gropat në asfalt.