Policia kap hajdutin famëkeq shqiptar, kishte master në shkollën e njohur të Milanos

Pavarësisht se e kishin depërtuar njëherë drejt Shqipërisë në vitn 2016, 26 vjeçari shqiptar ishte kthyer sërish në Itali.

Madje i riu nuk shqetësohej fare për të kryer një jetë “të fshehtë”, përkundrazi. Autoritetet pasi e arrestuan zbuluan se ai jetonte në apartament, shkonte në universitet, frekuentonte klubet e natës e madje bënte dhe palestër.

Por ndryshe nga çfarë mund t’u prezantonte të tjerëve, 26 vjeçari shqiptar ishte një hajdut serial. Policia në Lombardi e ndaloi të riun gjatë një postoblloku. Në kontrollin e banesës së tij u gjet dhe thesari që kishte “akumuluar” nga të tjerët shqiptari. U gjetën mijëra euro, ora, piktura të vjetra dhe dhjetëra sende floriri e argjendi.

Në median lokale jo pa të drejtë shprehet habia se shqiptari kishte hyrë i paligjshëm në Itali e madje kishte bërë dhe një master në universitetin e njohur të Milanos (Bocconi) për politika ekonomike./Gazeta Express