Përpara se të futej në sallën e gjyqit autori i masakrës së Selenicës, Ritvan Zykaj u përball me irritimin e familjarëve të 8 viktimave të masakruara prej tij pasditen e së premtes në fshatin Resulaj.
Me t’u ulur në bankën e të akuzuarit, “gjyqin” fillimisht ia bënë gazetarët.
“Fol pse e bëre? Je penduar”?
Pavarësisht zemëratës së tyre, Zykaj u shfaq i ftohtë duke i parë në sy të gjithë të pranishmit në sallën e gjyqit, duke mos i kthyer përgjigje.
“Se atje bëje trimin, pse i vrave”?
Vendimi i dhënë nga togat e zeza për autorin e vrasjes së tetë personave në fshatin Resulaj ishte “arrest me burg”. Ndaj tij rëndojnë tre vepra penale; ” Vrasje me paramendim, me dashje”, “Armëmbajtje pa leje” dhe “Prodhim dhe shitje të armëve luftarake dhe municionit”.
Nisur nga sensibiliteti që krijoi masakra e 10 Gushtit në fshatin Resulaj të Vlorës, më shumë se 15 avokatë refuzuan ta merrnin në mbrojtje 24-vjeçarin, mes të cilëve edhe ata të caktuar kryesisht nga shteti.
U deshën 15 minuta nga nisja e seancës gjyqësore që në sallë të shfaqej një avokat i caktuar kryesisht nga shteti. Sakaq në sallën e gjyqit nuk u lejua të hyjë asnjë prej familjarëve të viktimave.
Gjatë seancës me dyer të mbyllura, mësohet se Ridvan Zykaj ka pranuar krimin e 8-fishtë duke thënë të vetmen fjali: “I vrava se më akuzonin mua për grabitjet e pulave”.
Por teksa 24-vjeçari u dërgua në ambientet e paraburgimit jashtë ambienteve të Gjykatës së Vlorës familjarë të Selkie dhe Olsi Hoxhallarit që mbetën të vrarë në ngjarjen e 21 Janarit, mbanin në duar krahah fotos së autorëve që vranë nënën dhe djalin, me pankarta në duar kërkonin dënim maksimal për autorët.
Fshati Resulaj i Vlorës u trondit të pasditen e së premtes nga një ngjarje e rëndë ku 24-vjeçari Ritvan Zykaj ekzekutoi me gjakfothtësi tetë persona, mes të cilëve edhe dy fëmijë.
VIDEO:
Diskutime rreth kësaj post