Familja milionere italiane bën gjestin special për shqiptarin që i morrën jetën

“Nuk jemi këtu për të diskutuar. Ne besojmë në drejtësinë italiane dhe do japim kontributin tonë, por kemi nevojë për ndihmën tuaj”!

Mediat italiane bëjnë të ditur se një familje e pasur italiane e Koratos ka garantuar dërgimin e trupit të pajetë nga Bari në Durrës falas të Viktorian Picakut. Ndërsa janë mbledhur dhe fondet për shërbimin funeral në Durrës.

Mbrëmjen e djeshme shumë qytetarë italianë dhe shqiptarë u mblodhën në Sheshin “Abbey Largo” ku u vra 24-vjeçari shqiptar.

“Një djalë i qeshur, me diell, i cili e donte jetën, erdhi këtu për një të ardhme më të mirë. Ai kishte një zemër të madhe dhe mori mbrojtjen e më të dobëtve “, kështu e kujtuan miqtë e tij dhe ata që e njihnin me lot në sy.

Komuniteti ku Picaku jetonte u bashkua me dhimbjen e të vëllait dhe organizuan një fushatë për të mbledhur para për të bërë të mundur transportimin e trupit të tij në Shqipëri.

“Fluturoje lart si një shqiponjë e lirë”, lexohet në një nga pankartat e vendosura në sheshin ku u kujtua Picaku.

Dhe në qiell fluturonin balona të bardha dhe fenerë të vegjël, që ishin “dëgjuesit” e lutjeve për jetën e ndërprerë në mes të të riut.