Presidenti turk, Recep Tayyip Erdogan, është një nga liderët që ruhet me masat më të rrepta të sigurisë në botë. Por, tentativa e fundit për atentat me dron ndaj presidentit të Venezuelës, Nicolas Maduro, duket se ka shtyrë ekipin e sigurisë së Erdogan të marrë masa shtesë.
Media turke ka publikuar edhe pamjet e armës së re, e cila lëviz me Erdogan për ta mbrojtur nga ndonjë sulm i mundshëm nga ajri.
Arma në foton e shkrepur të dielën gjatë kohës që Erdogan vizitonte një xhami është raketahedhës i lëvizshëm për mbrojtje ajrore.
Erdogani inspektoi ecurinë e punimeve në Xhaminë e Çamlicasë, e cila do të jetë xhamia më e madhe e ndërtuar në Turqi në 100 vitet e fundit. Inspektimet zgjatën për rreth dy orë, e po kaq kohë në mbi xhami qëndroi edhe truproja e sigurisë me raketahedhës.
Por fakti që edhe gjatë inspektimit të punimeve në xhami, Erdogan mbrohej me masa kaq të rrepta sigurie, ka tërhequr kritikat e opozitës.
Ish-kandidatja për Presidente, Meral Aksener akuzoi Erdgoanin se është larguar nga populli dhe se “frikësohet nga gjithkush dhe çdo gjë”. Ajo tha se edhe “në shtëpinë e Zotit përpiqet ta mbrojë veten me raketa”./tvklan.al
Diskutime rreth kësaj post