Kryeministri Edi Rama ka konfirmuar, gjatë takimit me të rinjtë e PS në Jalë, rikandidimin e Erion Veliajt në Bashkinë e Tiranës për një tjetër mandat. Në fjalën që mbajti para të rinjve, duke folur për ndryshimet që ka sjellë qeverisja e PS, Edi Rama është ndalur dhe në punët e bëra në Tiranë. Kryeministri tha se Tirana është në rrugën e duhur dhe po bëhet maksimumi, duke vlerësuar në këtë mënyrë dhe projektet që janë realizuar nga kryebashkiaku Veliaj. Duke folur për zgjedhjet e ardhshme vendore, Rama tha se PS do t’u besoj më shumë të rinjve në Këshillat Bashkiak.
“Vitin e ardhshëm të gjithë këshillat do ti kemi 50 me 50 djem me vajza, gra me burra. Kurse për urbanizmin ajo është një sfidë në vazhdim. Janë bërë dëme të jashtëzakonshme në vite të tëra. Nuk është e lehtë. Megjithatë, besoj që Tirana është në rrugën e duhur. Në Tiranë po bëhet maksimumi. Edhe në disa bashki të tjera që e kanë këtë plagë shumë të madhe unë besoj që po bëhet një punë shumë e madhe“,- tha Edi Rama.
Kreu i qeverisë foli dhe për reformat e tjera të qeverisë duke theksuar se në gjithë vendin po bëhen reforma dhe punë sistematike që sjellin ndryshime për qytetarët. “Sigurisht që janë probleme pafund që nuk mbarojnë asnjëherë, por besoj që po bëhet një punë goxha sistematike dhe ajo që është më e rëndësishmja është që po bëhen punët me radhë. Çka e karakterizoi qeverisjen e vendit tonë për 20 e ca vite ishte që s’kishte radhë puna. Një këtu, një atje, një atje, një këtu edhe faktikisht shteti, Shqipëria, si shtet, si institucione u bë së Bathorja, një kioskë këtu, një kioskë atje, një ndërtim këtu, një ndërtim atje, një garazh këtu, një lavazh atje. Kështu u bënë Ministrisë. Kështu u bënë Agjencitë. Kështu u bënë dhe sot e gjithë ditën ne kemi akoma shumë punë për të pastruar këtë trashëgimi“,- u shpreh kryeministri Edi Rama.
Diskutime rreth kësaj post