Lideri i Lëvizjes Vetvendosje në Kosovë, Albin Kurti, i ftuar në emisionin “Përballë” të gazetarit Lutfi Dervishi, përsëriti objektivin e tij politik për bashkimin kombëtar të shqiptareve, ndersa tha se ky projekt nuk bie ndesh me atë të BE-së.
“Nuk jam fare kundër BE-së, përkundrazi. Jam një avokat i madh i BE-së dhe mendoj se BE duhet mbrojtur. Mendoj se paqja e qëndrueshme mban emrin e Bashkimit Evropian. Dhe në paqe të qëndrueshme kemi antifashizmin brenda. Por jam edhe avokat i shtetit të mirëqënies, i cili e kombinon rritjen ekonomike me drejtësinë sociale”- tha Kurti në emisionin “Përballë”.
Ndonëse projekti i Vetvendosjes për bashkimin e shqiptarëve gjen pengesë në Kushtetutën e Kosovës dhe nuk gezon as mbështetjen e ndërkombëtarëve, Albin Kurti e sheh edhe variantin që ai mund të ndodhë përpara mbërritjes në BE.
“Për një periudhë kalimtare le të bëhemi konfederatë apo federatë. Nuk do isha kundër një solucioni të tillë, por gjithësesi vetëm si një fazë kalimtare. Nëse ne hapat integrues drejt bashkimit I përshpejtojmë dhe I kemi më seriozë e më të sinqertë se deri tani, atëherë bashkimi ynë do të mund të ndodhë para Bashkimit Evropian”, – u shpreh Albin Kurti.
Për Albin Kurtin integrimi i 6-të vendeve te Ballkanit në BE duhet te jetë i njëkohësishëm.
“Nuk është e mundshme që Bashkimi Evropian të thotë që 6-të shtetet e Ballkanit Perëndimor, ende të pa anëtarsuara, i dua në BE, mirëpo do t’i inkuadrojë një nga një. Meqënëse vështirësitë që ia ka bërë Maqedoniësë, ta zëmë për një çerek shekulli Greqia, janë të pakrahasueshme me atë që do t’i bëjë Serbia jo vetëm Kosovës e Shqipërisë, por edhe Bosnje dhe Hercegovinës dhe Malit të Zi”, – tha Albin Kurti në RTSH.
Në shkurt të këtij viti, BE publikoi strategjinë e zgjerimit, ku Serbia dhe Mali I Zi kryesojne procesin. Pas tyre vinë Shqipëria dhe Maqedionia që mund të çelin negociatat vitin e ardhshëm, ndërsa për Kosovën dhe Bosnje Hercegovinën nuk ka një afat të përcaktuar sa i përket hapave drejt anëtarsimit në BE.
Diskutime rreth kësaj post