Makina del nga rruga, i riu shqiptar humbet jetën në Itali

Një 21-vjeçar ka humbur jetën në një aksident automobilistik në Marengo të Italisë. Aksidenti ka ndodhur mëngjesin e sotëm rreth orës 07:00.

Sipas mediave italiane, viktima është me origjinë shqiptare por banues në Mozzecane.

21-vjeçari drejtonte një automjet tip Peugeot kur humbi kontrollin dhe doli nga rruga. Në vendngjarje shkoi ambulanca, e cila tentoi t’i jepte ndihmën e shpejtë të riut shqiptar por fatkeqësisht pa sukses.

Identiteti i viktimës nuk është bërë me dije nga mediat, ndërsa autoritetet italiane kanë nisur hetimet për zbardhjen e shkaqeve të aksidentit.